Буш помилува две мисирки за Денот на благодарноста
Ова е дел од традицијата воведена од претседателот Хари Труман
ВАШИНГТОН - Американскиот претседател Буш на специјалната церемонија во Роуз гарден помилува две истакнати гостинки на Белата куќа: мисирките за националниот празник Денот на благодарноста. Традиционално веќе 61 година, секој претседател уште од времето на Хари Труман помилува мисирка пред Денот на благодарноста.
Памкин и Пекан се во авантура во својот кус живот. Додека другите мисирки во земјата се служат за вечера на Денот на благодарноста, овие две птици беа поштедени со официјално помилување од претседателот Џорџ Буш. „За секој случај, ќе помилувам и втора птица на овој невообичаен настан“, рече Буш во средата на церемонијата во Роуз гарден.
Публиката можеше да ја види само Памкин. Буш рече дека Пекан е на непозната локација. Двете птици требаше да се испратат со авионот „Turkey One“ во Дизниленд, каде што Памкин ќе има улога на „големиот маршал“ на парадата на Денот на благодарноста. Потоа двете птици ќе останат во делот „Фронтиерленд“ во паркот до крајот на животот.
Пол Хил, претседател на Националната федерација на мисирки, ги одгледа двете мисирки со внуците на фармата во Елсворт, Ајова. „Ги избравме овие мисирки на возраст од девет недели. Денес беа убиени нивните пријатели со кои беа одгледувани“, рече Хил. Тој додаде дека двете мисирки поминале низ обемна обука за нивниот добар, соодветен изглед. Белата куќа проверуваше дали мисирките можат да издржат музика во живо и да не се обидат да побегнат или одлетаат поради присуството на голем број луѓе.
Годишната церемонија во Белата куќа датира од претседателот Хари Труман, а Денот на благодарноста е федерален празник во САД кој почнал да се одбележува од фармерите некаде во почетокот на 17 век во знак на благодарност за успешната година.
Претседателот Буш истакна дека ова е неговиот последен Ден на благодарноста како претседател. Тој и првата дама на Америка викендов ќе заминат во Кемп Дејвид. Со оглед на претстојните празници Буш в недела треба да го прими божикното дрво за Белата куќа, а в среда да ги покаже празничните декорации за куќата. Претседателот изрази благодарност за континуираното ангажирање на американските вооружени сили преку океанските земји. На сите Американци им посакувам среќен Ден на благодарноста и господ да ве благослови“, рече Буш. (Си-Ен-Ен)
|
