Предлог за реизбор на претседателот Урибе
БОГОТА - Претседателот на Колумбија, Алваро Урибе, е еден чекор поблиску до кандидатура за реизбор откако приврзаниците доставија предлог до Конгресот за референдум што ќе му овозможи да се кандидира за трет мандат во 2010 година. Урибе, американски сојузник популарен меѓу Колумбијците бидејќи се справи со бунтовниците, се' уште нема донесено одлука за кандидатурата. Меѓутоа, законодавците сега неколку месеци ќе дискутираат за гласањето во земјата за уставен амандман што ќе овозможи негов втор реизбор. Проектот за референдум мора да помине четири дебати во конгресот и ревизија во Уставниот суд, кој треба да донесе одлука за легалноста на амандманот. (Ројтерс) |
