Рекордна невработеност во еврозоната

Брисел - Невработеноста во 16 држави од еврозоната во август се искачи на десетгодишен рекорд од 9,6 отсто. Највисоката стапка на невработеност во државите што за парична единица имаат евро од март 1999, ги зголемува стравувањата дека слабиот пазар на труд би можел да го поткопа економското закрепнување. Вкупно 15 милиони луѓе барале работа во еврозоната во август, што е за 165 илјади повеќе отколку во јули. Во целата Европска унија стапката на невработеност скокна на 9,1 отсто, што е највисоко ниво од март 2004. Годинава во ЕУ се укинати 236 илјади работни места. (Макфакс)