Банката на Словенија прогнозира пад од 6,7 отсто

Љубљана - Банката на Словенија ја ревидира прогнозата за годинашното намалување на домашниот бруто-производ на 6,7 отсто откако во април прогнозираше пад од два процента, изјави гувернерот Марко Крањец. Тој истакна дека побарувачката од увоз, инвестициите и приватната потрошувачка годинава ќе забележат пад, а во пораст ќе биде стапката на невработеност, која во моментот изнесува шест отсто.

Крањец, претставувајќи го извештајот за стабилноста на цените во Словенија во наредните две години наведе дека економскиот раст ќе изнесува 1,6 отсто во 2010 и 1,7 проценти во 2011 година. (МИА)