Петти циклус на „Студентска берза“

Од вчера почна петтиот циклус на проектот „Студентска берза“ што го организира Македонската берза. За време на циклусот што ќе трае до 31 мај идната година, студентите ќе можат своите теоретски познавања практично да ги применуваат преку виртуелно тргување со хартии од вредност. По завршувањето, Македонската берза првпат ќе го прогласи најуспешниот универзитет во проектот на годишно ниво, а на најуспешните учесници на месечно и годишно ниво ќе им доделува пригодни награди. Главен покровител на проектот е Комерцијална банка, а покровители се и „Алкалоид“, „Тиквеш“ и „Гранит“. Медиумски покровител е неделникот „Капитал“. (Ек.Р.)