Македонија падна едно место, сега е 61.

ФИФА пред почетокот на СП во Јужна Африка ја објави најновата ранг-листа, лидер е Бразил

Македонската фудбалска репрезентација падна за едно место на најновата ранг-листа на Меѓународната фудбалска федерација (ФИФА) и сега е 61. Ова е последното рангирање на националните селекции пред стартот на светското првенство во Јужна Африка.

Тоа значи дека како најдобра селекција на СП оди Бразил со 1.611 бода, а по него следуваат Шпанија (1.565), Португалија (1.249), Холандија (1.231), Италија (1.184), Германија (1.082), Аргентина (1.076), Англија (1.068), Франција (1.044) и Хрватска, која ја заокружува групата од топ 10 репрезентации (1.041).

Домаќинот на светското првенство, Јужна Африка, напредуваше седум места на скалата и сега се наоѓа на 83. позиција. Нејзиниот скок е поголем од која било друга репрезентација.

Од првите 20 национални селекции само Хрватска, Русија и Египет нема да настапат на Мундијалот.