Кошаркарите на Феникс го совладаа на свој терен Лос Анџелес Лејкерс со 115:106 и израмнија на 2:2 во финалната серија од плеј-офот во Западната конференција на НБА-лигата.
Кај Феникс Амар Стадемаер постигна 21 поен, а имаше и осум скока, Стив Неш додаде 15 поени, додека по 14 забележаа Леандро Барбоса и Ченинг Фрај.
Во редовите на бранителот на титулата Коби Брајант заби 38 коша и подели десет асистенции, додека Одом и Гасол забележаа по 15.
Овој меч го решија резервите на Феникс, кои во потполност ги надиграа своите колеги од клупата на „езерџиите“, особено во кошгетерска смисла. Играчите на Феникс кои не се најдоа во стартната постава постигнаа 52, а резервите на Лејкерси само 20 поени.
