Словенечката амбасадорка во Босна претепана од сопругот
Љубљана- Словенечката амбасадорка во Босна и Херцеговина, Наташа Водусек, била претепана од сопругот во Љубљана минатата седмица, јавија словенечките медиуми.
Нејзиниот сопруг Владимир Водусек, познат телевизиски репортер, бил приведен и му било забрането да и' се приближува на жртвата. Според љубљанскиот весник „Дневник“, полицијата потврдила дека мажот ја претепал сопругата минатиот четврток во нејзиниот стан во Љубљана. Двајцата живееле разделени. Според словенечките таблоиди, амбасадорката во Босна и Херцеговина била со тешки повреди. (МИА) |
