Олмерт не дава враќање палестински бегалци во Израел
Околу 700.000 лица, половина од арапско население на Палестина, беа протерани кога се формира Израел
ЕРУСАЛИМ - Премиерот Ехуд Олмерт му посочи на палестинскиот претседател Махмуд Абаз дека Израел нема да дозволи враќање на ниту еден палестински бегалец како дел од идниот договор за формирање држава, беше соопштено вчера од страна на кабинетот на Олмерт. Ова е едно ретките официјални соопштенија што беше објавено како одговор на извештаите дека Олмерт предложил прием на 2.000 бегалци годишно во текот на десет години како дел од договорот за формирање палестинска држава во поголемиот дел на окупираниот Западен Брег и целиот појас Газа. „Премиерот никогаш не понудил прием на 20.000 бегалци во Израел. Премиерот уште еднаш повтори дека според кој било иден договор нема да има враќање на ниту еден палестински бегалец во Израел“, соопштија од кабинетот на Олмерт.
Околу 700.000 лица, половина од арапско население на Палестина во мај 1948 година избега или беше протерано од своите домови кога се формираше Израел. Ако денес им се дозволи ним и на нивните семејства да живеат во Израел тоа ќе ја поткопа неговата природа како еврејска држава, посочува Израел. Додека Олмерт долго време го отфрлаше инсистирањето на Палестинците на правото на бегалците да се вратат од бегство како и на нивните наследници, чијшто број сега изнесува 4,5 милиони, израелски официјални лица изјавија дека тој е отворен за враќање на многу ограничен број како „хуманитарен“ гест. Најголемите палестински бегалски заедници се во Јордан, Сирија и Либан, како и во Западниот Брег и појасот Газа. (Ројтерс)
|
