„Вилијам Хил“ го призна голот на Лампард

Иако уругвајската судиска тројка не виде легитимен и чист гол на Франк Лампард, сепак, англискиот синџир обложувалници, Вилијам Хил, одлучи барем малку да ги развесели разочараните англиски навивачи и да исплати добивка на сите кои уплатија пари на тој момент. Така, сите што уплатија пари на можноста Франк Лампард да постигне гол против Германија ќе им биде исплатена добивка. Одлуката ја донесоа челниците на обложувалниците и со неа сакаат барем ма��ку да го подигнат расположението на разочараните фанови.

„Дури и Сеп Блатер е свесен дека Лампард постигна гол, па веќе почнавме со исплата на добитните ливчиња“, изјави портпаролот на „Вилијам Хил“, Греем Шарп и додаде дека ваквата одлука ќе ја чини обложувалницата шестоцифрена сума изразена во фунти.