За две години, Турција планира да го лансира својот прв разузнавачки сателит во вселената, објави турскиот премиер Реџеп Таип Ердоган. Сателитот ќе чини 250 милиони евра и ќе може да следи објекти помали од еден квадратен метар. Сателитот ќе биде користен за следење на трговијата со дрога, како и на нелегалниот пренос на лица преку турска територија. Освен тоа, Турција се надева дека ќе ја намали зависноста од САД во операциите против курдските бунтовници.