Шарапова со најголема заработувачка

Марија Шарапова можеби нема освоено гренд-слем титула уште од 2008 година, но руската тенисерка останува без конкуренција најплатена жена во професионалниот спорт во светски рамки. Седма година во низа таа е на врвот на годишната листа што ја објавува магазинот „Форбс“, и покрај тоа што не го подобрува салдото од три гренд-слем трофеи, иако во јули стигна до финалето на Вимблдон. Заработувачката на Шарапова, главно преку ангажмани надвор од теренот, се проценува на 25 милиони долари, што е двојно повеќе од нејзиниот најблизок ривал, Данката Каролина Вознијачки, светска тенисерка број еден во моментов. Шарапова на ВТА-листата е петта, а пред неа, покрај Вознијачки, се и Ким Клајстерс, Вера Звонарева и Викторија Азаренка.

Американската автомобилистка Даница Патрик е трета со заработувачка од 12 милиони долари, по што следуваат тенисерките Венус Вилијамс, Ким Клајстерс и Серена Вилијамс. Седум од десетте најплатени светски спортиски се тенисерки, вклучувајќи ја и Кинеската На Ли, која заработи осум милиони зелени банкноти минатата година, но се очекува да напредува на листата и да го загрози првото место на Шарапова по триумфот на Ролан Гарос. Ли е шеста на ВТА-листата.

Десетте најплатени спортистки

1. Марија Шарапова (Русија, тенис) 25 млн. долари

2. Каролина Вознијачки (Данска, тенис)12,5 млн. долари

3. Даница Патрик (САД, автомобилизам) 12 млн. долари

4. Венус Вилијамс (САД, тенис) 11,5 млн. долари

5. Ким Клајстерс (Белгија, тенис) 11 млн. долари

6. Серена Вилијамс (САД, тенис) 10,5 млн. долари

7. Ким Јуна (Ј. Кореја, уметничко лизгање) 10 млн. долари

8. На Ли (Кина, тенис) 8 млн. долари

9. Ана Ивановиќ (Србија, тенис) 6 млн. долари

10. Пола Кример (САД, голф) 5,5 млн. долари