Фабрегас го делат 6 млн. евра од Барса

Според пишувањата на „Марка“, договорот меѓу Барселона и Арсенал околу Цеск Фабрегас е се' поблиску, но двете страни се' уште ги раздвојува паричниот износ од шест милиони евра.

„Топчиите“ бараат 40 милиони за својот капитен, додека Каталонците засега нудат 34. Останатите шест милиони сакаат да ги платат дополнително, на што лондонскиот тим не се согласува.

Од тие 34 милиони евра, кои Барса е подготвена да ги плати за играчот кој порасна во нејзината школа, 29 милиони челници веќе и порано нудеа, а со дополнителните пет милиони ја зголемија понудата за Фабрегас, откако тој се согласи токму за таа сума да му се намали платата, која ќе ја прима во текот на траењето на договорот.

„Ас“ пишува дека Фабрегас може да биде во составот на Арсенал на саботниот пријателски меч со Бенфика, но додава дека Арсенал ќе прави две официјални фот��графии за новата сезона. На едната ќе биде капитенот Фабрегас, а на другата лентата ќе ја носи Робин ван Перси.