Обама, не сме ваши банкомати!

Вашингтон - Приврзаниците на Републиканската партија протестираа во Вашингтон, Сакраменто, Сент Луис и во други градови, поради американската економија и владините расходи што го зголемуваат буџетскиот дефицит. Демонстрантите носеа пароли „Не трошете ги нашите пари“, „Ние не сме ваши банкомати“ и „Импичмент за Обама“. На протестите во Сакраменто учествуваа најмногу луѓе, односно околу 25.000 лица. (МИА)