Во август пораснале и трошоците и цените во земјоделството

Индексот на цените во земјоделството во август во однос на истиот месец лани кај инпутот е зголемен за 6,7 проценти, а кај аутпутот за 7,5 отсто, објави вчера Државниот завод за статистика.

Индексот на цените на инпутот 1, средствата тековно потрошени во земјоделството е зголемен за 6,8 проценти, а кај инпутот 2, односно средствата наменети за инвестиции во земјоделството е зголемен за 4,4 проценти.

Во делот аутпут, индексот на цените на растителното производство во август, во споредба со истиот месец лани, е зголемен за 9,6 отсто, а индексот на цените на добиточното производство е зголемен за 1,4 проценти. (МИА)