Принцот Хари

Нова Камила во кралското семејство?

Според последните медиумски написи, принцот Хари започна нова романса со скандинавската рок-пејачка Камила Роместранд. Синот на принцот Чарлс и на покојната принцеза Дајана, кој од почетокот на годинава ја прекина врската со долгододишната девојка Челзи Дејви, сега повторно е вљубен, и тоа во фронтменката на рок-групата „Еди Д ’Ган“. Шепотењата за нивната врска започнаа откако норвешката музичарка им се пофалила на пријателите дека преспала во кралската палата „Клеренс хаус“, каде што принцот ја изненадил со појадок в кревет.

„Камила го сподели своето пријателство со Хари со неколку пријатели. Рече дека ноќта ја поминала во палатата, а принцот бил вистински џентлмен, но не откри повеќе детали околу нејзиниот престој таму. Камила не сака да разговара за врската со принцот, бидејќи стравува дека со тоа би можело да ја засени музичката кариера“, рече извор близок на Роместранд. Како и да е, врската е се' уште на почетокот, но останува да видиме дали принцот Хари ќе ја донесе втората Камила во кралското семејство.