Димитров сениорски државен првак

Трајче Димитров од коњичкиот клуб Вивакс со грлото Лакап е нов сениорски шампион на Македонија во прескокнување пречки. Сребрениот медал го освои Круме Наумовски од Процес со грлото Селена, а бронзениот Зоран Шапкалиевски од Дона со грлото Гром.

Кај јуниорите титулата му припадна на Самир Реџепи од Тристар со грлото Ролекс. Втор е Самир Јаховиќ од Тристар со грлото Заслуга, а трет Боби Ангеловски од Илинден со Медика.

Во категоријата деца најдобар е Енес Реџепи од Тристар со грлото Сем, пред Дарио Милевски од Дона со Џилда и Андреј Мишев од Илинден со Дама.

Ова е епилогот на четвртото и последно коло од Државното првенство, кое се одржа на хиподромот во Маџари.