Македонските владици дефинитивно само глумат единство. Во практика од единството нема ниту „е“. Последна потврда за ова се случи во петокот вечерта, во Калишта, наспроти официјалниот почеток на Архиепископскиот црковно-народен собор кога на неговиот работен дел требаше да се направат неколку измени на Уставот на МПЦ.
Под напливот на „патриотизам“ на еден од архијереите за мир в куќа (иако де факто тој е лажен) поглаварот Стефан реши да ретерира. Во една минута до 12 го смени дневниот ред, а амандманите се ставени под тепих. За некои други времиња кога можеби составот на архијерејскиот Синод ќе биде порешителен и, бездруго, повизионерски настроен.
Иако секој знае зошто требаше правно да се допрецизира името на нашата Црква и полниот назив да гласи Македонска православна црква Охридска архиепископија, владиците се повлекоа. Се исплашија некој да не им го закачи епитетот „предавници“ наспроти „потврдените патриоти“. Небаре некој од нив се срами од древната Охридска архиепископија, па таа не може да биде дел од официјалното црковно име.
Да немаат мантии, човек слободно може да ги смеша со нашите политичари. Зашто и тие многу сакаат да изигруваат политичари, згора на се' и со „принципиелни“ ставови. Демек, само тие и' го мислат доброто на нашата Црква и затоа не го „даваат“ името МПЦ. А такво нешто од нив не се бара ниту во сон. Континуитетот на древната Охридска архиепископија на називот Македонската православна црква само ќе ја дадеше историската тежина. Постои и уште една причина зошто беше неопходно правно дотерување на официјалниот назив - да нема приграбување на древноста од десет века од страна на една наметната инсталација на странска црква која претендира пред македонските судски органи да се регистрира како Охридска архиепископија.
Чии интереси штитат еден-двајца македонски владици? Прашањето само се наметнува, бидејќи барем досега никој од нив не покажувал анимозитет кон вековната претходничка на МПЦ. Напротив. Кога се говори дека низ историјата црквата била таа која го одржувала македонскиот национален идентитет и тогаш кога не сме имале своја држава, сигурно не се мисли на Македонската православна црква. Таа постои и е активна во изминатите 50 години, но низ вековите столбот на нашето опстојување била токму Охридската архиепископија. Тоа се факти. Но, на одделни архијереи нештата како да не им се јасни. Или така се прават. Лесно се откажаа од корекцијата која беше за доброто на Црквата.
Мекиот став на архиепископот Стефан не е некоја новина. И овој пат првиот меѓу еднаквите ја фати линијата на помал отпор и амандманите ги одложи за во иднина. И така потврди дека и сега, како и многу пати порано, не умее да подготви терен за важни промени.
Со називот Македонска православна црква Охридска архиепископија не ќе загубевме ама баш ништо. Парадоксот да е поголем во титулата - архиепископ охридски и македонски - е содржан називот кој одеднаш стана бауч за синодалците кои немаа храброст да се соочи со предизвикот. Небаре ќе направеа којзнае каков грев, сите до еден се повлекоа. Некој по Калишта останаа да триумфираат, други да жалат по испуштената шанса. Како и да е, лошата порака до православниот свет со продавањето патриотизам на сметка на една прагматична одлука веќе е испратена.
Архиепископскиот црковно-народен собор на кој дојдоа голем број делегати од дијаспората е прескапа играчка за некој вака да се поигрува. Дали овој Собор ќе биде пресвртница и МПЦ да го напушти овој реликт на социјализмот кој не вирее никаде освен кај нас, барем сега тешко е да се поверува. Владиците, сепак, се непредвидливи.
Prv pat citam dobar tekst so potpis Biljana Jovanovska. Zaklucoci na mesto, izdrzana kritika potkrepena vo fakti i logika. Vladicite pogresno sfatija deka treba da dadat odgovot sto e postaro, kokoskata ili jajceto. Vprocem tie samo go potvrdija svojot kontinuitet na nesposobnost i neresitelnost. Sepak imam vpecatok deka i novinarite napravija eden nepotreben pritisok. Navistina nemase potreba od bombasticni naslovi kako "MPC go menuva imeto" znaejki sto ovaa recenica, barem vo ovoj moment, znaci za nas makedoncite.
Од: RR: Crveniot telefon pak raboti?
Датум: 07.10.2008 02:32:51
Mnogu e indikativno da se povleche vo posleden moment vekje dogovoren dneven red na Sinodot,nebare se raboti za sobraniskiot nachin na rakovodenje vo manirot na Trajko Veljanovski.A ima koincidencija vo stilot na prifakjanje na sekoja zhelba na Premierot,koja po avtomatizam stanuva zapoved.Se sovpadna i terminot na odrzhuvanje na liderskata sredba za stav okolu pregovorite za imeto na drzhavata.I nekako seto ova zalichuva na vremeto od podignuvanje na slushalkite na crvenite telefoni ,koga na pr.Brezhnjev mu se javuvashe na Zhivkov.Vo sluchajov ne znaeme samo dali edniot telefon bil samo so delot za slushanje,kako onoj na Baj Todor vo Bugarija.Pa,posle kazhete deka crkvata e oddelena soglasno Ustavot od drzhavata.Ama od Vladata ne se deli nikako.A sekularna drzhava sme.Barem deklarativno i na hartija.
Од: Профајлерот
Датум: 07.10.2008 09:27:53
Нашата мака се темели на големиот број политичари-„патриоти“ и на безбожници во мантии. Кога ќе се измешаат политика, мантии, бизниси, па сето тоа во обланда од „патриотизам“, тогаш ја добиваме ситуацијата во Македонија. Никој од нив не ви кажува за која и каква Македонија се „бори“.
Од: prijatel 1807.2008
Датум: 07.10.2008 09:50:30
Оваа наша Македонска црква служи само за да го плачка и ограбува својот народ.Замислете само во какви коли се возат а нејните верници живеат во беда.Време е да посвети повеќе внимание на своите верникци бидеќи наскоро може да остане без нив.
Од: Vernik
Датум: 07.10.2008 12:48:42
Samo da vidi Makedonskiot narod so kakvi koli - djipovi dojdoa na sostanok, nikoj nemase da pomisli deka Makedonija e Drzdava na rab na exzistencuja. Sto se sluci so hotelot vo struga ce kaze li nekoj za kolku go prodadoa?
Од: Marina=Ohrid
Датум: 07.10.2008 15:48:33
Ova e dokaz deka nasata crkva e nisto drugo samo Vlada na Makedonija, so Vladika na celo. Isto kako da imame trojca predsedateli, Branko, Grujo i Stefan. Ako nekoj e Rusin ne znaci deka treba da stane Makedonec za da stapi i se moli vo nasata Pravoslavna crkva. Pojke pocit ke imame ako e Ohridska Arhiepiskopija odamna bila Ohridska, na ovoj nacin nikoj ne izmisluva nesto. Crkvata e Hristijanska a ne Makedonska. I e Ohridska arhiepiskopija, a ne Ohridska crkva.
Од: spase - australia
Датум: 07.10.2008 17:03:47
do koga vaka do koga se prasuvam i jas i gi prasuvam najmudrite vo mantiite. Deka vreme e tie da se doblizat do narodot so dobro i dusevnost i "skromnost " ne so arogantnost i skapi koli pa koj e toj koj misli na ovaj beden makedonski covek ke im vdlabi mislenje i nasoki za korekten i cesen zemaljski zivot. Kade vi e skromnosta na site javni licnosti bile politicari bile vladici bilo koj da e i za posledno toj izrodot Vraniskovski sto ne se protera majciniot ako ne se zatvora toa se gnidi vo maked.populacija kaj pcelite se trutovi taka nekako paraziti gi isfrlaat nadvor koj ne go biva da vodi narod treba da se pravi javen test --sekoj ke go polozi ako 10.000 narod glasa deka toj i toj se sposobni ako ne bez tie glasa nema vlast.
