Претходен број

Џо Бајден го храбри Израел против Иран

Американскиот потпретседател Џо Бајден навести дека администрацијата нема да го спречи Израел ако се одлучи на воена акција за отстранување каква било иранска нуклеарна закана. Бајден за телевизијата Еј-Би-Си изјави дека САД не можат „да и' диктираат на друга суверена држава што може да прави, а што не може“. Бајден, исто така, наведе дека понудата на претседателот Обама за дијалог со Иран и понатаму останува на маса. Висок ирански официјален претставник изјави дека неговата земја одлучно ќе одговори на секој напад врз нивни објекти.

Обама му даде на Иран рок до крајот на годинава да разговара за неговата нуклеарна програма, за која Иран инсистира дека е само за енергетски цели. Западните земји се загрижени дека Техеран работи на тоа да стекне способност за нуклеарно оружје. (Би-Би-Си)