План за Кипар до крајот на годината
НикозиЈа - Кипарскиот турски лидер Мехмет Али Талат смета дека до крајот на годината ќе има план за решавање на проблемот за Кипар, објавија кипарски грчки медиуми. Во интервју за весникот „Симерини“, Талат вели дека е невозможно проблемот за поделениот остров да се реши без посредништво и арбитража. „Решение за тој проблем не може да биде постигнато без да има решително позитивно посредништво и без да биде изграден мост што ќе ги обедини различните позиции“, изјави тој. Талат повтори дека само со продолжување на гаранциите од страна на Анкара кипарската турска заедница може да се чувствува безбедно. (МИА) | 
