Милошоски на состанок на ЕУ

Шефот на македонската дипломатија Антонио Милошоски денес и утре во Стокхолм ќе учествува на неформалниот состанок на министрите за надворешни работи на земјите од ЕУ и на државите кандидати за членство во Унијата.

На дводневниот собир што ќе го води Карл Билд, министерот за надворешни работи на Шведска - земја претседавач со Европската унија, ќе стане збор за повеќе актуелни меѓународни прашања, како што се мисиите на ЕУ во Авганистан и Пакистан, за глобалната улога на Унијата, за мировниот процес на Блискиот Исток, за ситуацијата во Иран...

Министерот Милошоски заедно со неговите колеги од Хрватска и од Турција, Горан Јандроковиќ и Ахмет Давутоглу, ќе им се приклучат на шефовите на дипломатиите на 27-те членки на ЕУ на вториот ден од состанокот.

На состанокот ќе учествува и шефицата на грчката диопломатија Дора Бакојани, но засега нема најава за можна средба со министерот Милошоски. (МИА)