Светски гинисов рекорд

Пинсон му ја зеде титулата на Сарчиево за гравчето

Не и' траеше долго радоста на Македонија и на штипско Сарчиево, кое пред нецел месец го урна Гинисовиот рекорд на варење грав во котел. Изминатиот викенд титулата ни ја одзедоа организаторите на „Алабама батербин фестивал“ во Пинсон, Алабама, кои го сварија најголемиот котел со грав во светот. Казанот, конструиран од неколку локални занаетчии, собра 3.823 килограми грав, а откако претставникот од интернационалната организација „Гинис ворлд рекордс“, Морган Вилбер, и официјално го потврди успехот, им беше распродаден на посетителите на 5. фестивал. За потсетување, во штипското село Сарчиево во почетокот на изминатиот месец беа сварени 3.150 килограми, доволни за да го соборат претходниот рекорд, што го држеа студенти од Америка. Покрај 400 килограми грав, во котелот влегоа и повеќе од 2,6 тони вода, 200 килограми сланина, 70 литри зејтин и други зачини, а гравчето беше варено според рецепт стар 2.000 години.