Буџетот од 350.000 евра рекорден, но пак симболичен

Кошаркарската федерација на Македонија на седницата на Управниот одбор се пофали дека година собрала рекордни 21 милион денари, што е рекордна сума.

„Да, тоа е рекордна сума, но ставена во некои европски рамки изгледа симболично. Колку за илустрација Кошаркарската федерација на Италија има годишен буџет од 36 милиони евра. Ние практично сме на еден процент од нив и веројатно на последното место на листата на учесници на последното Европско првенство“, вели претседателот Даниел Димевски.

Иако, пр��ходите од Европските првенства 2010 година, како и сумите собрани од продажбата на влезници за време на евро-квалификациите се задоволителни, сепак, помошта од државата недостасува.

„Срамно е државата да не ни помогне со ниту еден денар. Помошта од таа страна е неопходна и треба да биде со шест цифри“, вели потпретседателот Стојан Клопчевски.

Во таа насока Федерацијата смета дека е добро што државата го помага масовниот спорт, но потенцира дека треба внимание да се посвети и на врвниот.

Меѓудругото КФМ планира да воведе и нов систем на продажба на влезници. Во скоро време ќе биде потпишан договор со „Авалон продукција“, која ќе биде задолжена за поголем анимација на љубителите на кошарката. Со овој потег, сметаат од КФМ, значително би се подигнал процентот на продажба и би се свела на минимум македонската света работа - гратис билетите.