За Шефер е неприфатлив договорот меѓу ЕУ и Русија
ТБИЛИСИ - Генералниот секретар на НАТО, Јап де Хоп Шефер, вчера изјави дека договор на ЕУ што им овозможува на руските војници да останат во Грузија е неприфатлив. Нагласувајќи ги разликите меѓу западните земји колку цврст став да се заземе со Москва во однос на конфликтот, Шефер рече дека договорот постигнат со ЕУ дава премногу поводи, со тоа што им дозволува на руските сили да останат во отцепените региони Абхазија и Јужна Осетија. Шефер рече дека со оригиналниот договор за примирје се бара враќање на статус кво пред конфликтот, но следниот договор за кој посредуваше Франција не го почитува тоа. Во Брисел, пак, министрите за надворешни работи на ЕУ се подготвуваа да одобрат договор за испраќање најмалку 200 мировни посматрачи, како дел од меѓународен контингент што ќе ги замени руските единици на неспорна територија на Грузија. (Ројтерс) |
