Потона ферибот во Турција, седуммина исчезнати
ИСТАНБУЛ - Ферибот со 96 патници и членови на екипаж потона во текот на ноќта во близина на турското северозападно пристаниште Бандирма, а седум лица се исчезнати. Претходно, локални претставници јавија дека едно лице загинало, а околу 30 биле исчезнати, но потврдија дека немале целосни податоци кој се наоѓал на фериботот. Локални рибари се приклучија во спасувачката операција кога фериботот, натоварен со 73 камиони и два автомобила, потонал во Мраморно Море, кусо време по заминувањето од Бандирма кон Истанбул. Компанијата на фериботот „Мармара Н Денизчилик“ соопшти дека на фериботот имало 67 патници и 29 членови на екипажот кога потонал и дека сите освен седуммина патници се спасени, јави државната новинска агенција „Анадолија“. (Ројтерс)
|
