Конгресменот-воајер да си даде оставка
ВАШИНГТОН - Висок републиканец побара од демократскиот претставник Ентони Вајнер да поднесе оставка, истакнувајќи дека Конгресот не може да си дозволи да биде деконцентриран поради фотографиите и пораките со сексуална содржина, што тој им ги праќал на жени. Лидерот на републиканците во Претставничкиот дом, Ерик Кантор од Вирџинија е првиот висок законодавец кој изјави дека Вајнер, отворен либерал кој минатата година лесно доби седми двегодишен мандат во Претставничкиот дом, „треба да поднесе оставка“.
„Во земјата има многу сериозни предизвици и многу работа што треба да ја заврши Конгресот. Последната работа што ни е потребна е да се задлабочуваме во дискусии за конгресменот Вајнер и неговите активности на ’Твитер’“, рече Кантор.
Демократите беа уште погневни поради Вајнер, жалејќи се дека тој ефективно создал промени за републиканците, пренасочувајќи го вниманието на јавноста кон неговите пораки, а не кон нивниот непопуларен план да се намали програмата за здравствена заштита на постарите луѓе.
Вајнер, оженет со долгогодишна помошничка на државната секретарка Хилари Клинтон, призна дека испраќал непристојни фотографии од него и имал несоодветни онлајн врски со неколку жени. Но, тој рече дека не прекршил ниту еден закон и нема да поднесе оставка. (Ројтерс) |
