„Авто Чајка“ најдобар дилер за „хјундаи“ во Македонија

„Авто Чајка“, овластен дилер за продажба на нови и половни возила на повеќе реномирани автомобилски бренда, на македонскиот пазар е присутен од 1994 година. Како дел на глобалната мрежа на „Хјундаи“ од 1996 година, ги почитува сите високи барања што ги поставува оваа компанија, преку овластен дистрибутер за Македонија, „Кореја ауто трејд“ од Скопје. Високиот стандард се однесува на високиот квалитет на услуга и големо внимание кое се посветува на купувачите преку грижа за одржување и сервисирање на возилата. Ваквиот пристап и професионалноста на тимот на „Авто Чајка“ обезбеди долгогодишна успешна соработка со „Хјундаи мотор компани“ и „Кореја ауто трејд“ - Скопје, што резултираше со признание за најдобар дилер за „хјундаи“ во Македонија.

Престижното признание го врачи Санг Дег Бе, извршен директор на „Хјундаи мотор компани“ за Источноевропскиот регион со седиште во Киев, во придружба на Вилјем Хорват, директор на „Кореја ауто трејд“, при нивната посета на деловниот комплекс на „Авто Чајка“ во Тетово. Во официјална посета, ова признание е дадено за најголем пораст на продажба на возилата на „хјундаи“ во регионот и со тоа „Авто Чајка“ стана амбасадор на овој бренд.