Каролина на календарот на „Витаминка“

Атрактивни фотографии на поп-пејачката Каролина Гочева со потписот на Дарко Мораитов (фото), Даниела Симоновска (костимографка) и Дадар и Даниел (стилисти), го красат календарот на прехранбената индустрија „Витаминка“ за 2011 година.

„Производите на ’Витаминка’ ми беа омилени уште од мала. Како и многу деца во Македонија, и јас растев со ’стоби флипс’, така што оваа соработка со ’Витаминка’ за мене има и емотивно значење, бидејќи ме потсетува на моето детство. Пораснав со ’Витаминка’“, вели популарната поп-пејачка.

Официјалното претставување на календарот е закажано за денеска во клубот „Воденица“. (К.Ш.)