Опра Винфри

Затворени улици за кралицата на ток-шоуто

Опра Винфри направила голема забава по повод 24. сезони на „Опра шоу“. Забавата ја направила во „својата“ улица, значи во главната, најотмена авенија на Чикаго, што ја држела затворена речиси цел ден.

На снимањето на шоуто во живо, навратиле и бројни пријатели на Опра, како што се Џенифер Хадсон, оскаровката, кој од тотална аматерка, преку ноќ стана професионална актерка и пејачка, дошол и бендот „Black Eyed Peas“ и забавата траела од 17 до 20 часот.

Стотина, ако не и илјада фанови на Опра, кои се собрале на снимањето на емисијата, танцувале на кореографијата на песната „I Gotta Feeling“, а Опра, по „спонтаниот“ танц ( всушност, изрежиран од продукцијата, наводно, без да дознае Опра), извикала: „Никогаш не сум видела нешто толку кул!“

„Чикаго трибјун“ коментирал дека кралицата Опра добила баш се' што посакувала: времето било одлично, а градските власти и' дозволиле затворање на авенијата, токму во време кога на неа и' одговара.

По големиот концерт и шоуто што се снимало во живо, Опра им порачала на оние што се бунеле поради затворањето на главната градска сообраќајница: „Одиме сите дома, утре мораме да работиме, а авенијата ’Мичиген‘ ќе биде отворена за сите оние што сакаат да мразат.“