КЕЛИ ОЗБОРН

Гените виновни за зависноста

Кели Озборн смета дека нејзината склоност кон дрогите е наследна особина.

„Воопшто не се сомневам дека зависноста е болест. Тоа е во моите гени. Единствени личности во моето семејство што го немаат тој ген се мојата мајка и сестра ми Ејми“, вели Кели, ќерката на легендарниот рокер Ози Озборн, на кого дрогите буквално му го оштетиле мозокот.

Кели, како и нејзиниот брат, биле зависни од таблетите, а сега тоа го објаснува со наследените гени од татка си.

„Се сметам за среќна, зашто ги искусив двете страни. Дрогите можат да те запрат да врескаш гласно, но и понатаму врескаш во себе“, вели таа, објаснувајќи дека на таблети се навлекла уште од 16 години, зашто лековите што ги пиела и' давале чувство на самодоверба.

Досега четири пати била на одвикнување, а последен пат во јануари годинава.