Пинк

Велеа дека не сум доволно убава

Пејачката Пинк открила дека во почетокот на кариерата често и' говореле оти не е доволно убава за да биде на насловните страници на списанијата. Поради тоа и' било потешко да се промовира, но пејачката не се навредила од ваквите изјави.

„Ми зборуваа дека имам единствени црти на лицето, но оти, сепак, не сум доволно убава за да бидам на насловните страници. Мене тоа ми е сосема в ред. Важно ми беше дека сум посебна, што најмногу и ми се допаѓа“, вели жестоката Пинк. Но, по се' изгледа, уредниците на списанијата го смениле мислењето, зашто токму Пинк ја краси насловната страница на мајскиот „Космополитен“. На списанието пејачката му открила дека може да биде неверојатно злобна кога се кара со сопругот Кери Харт.

„Многу сум драматична. Претходно во кавгите знаев да бидам многу злобна, се' додека еден ден Кери не ме седна и ми објасни дека на тој начин навистина го навредувам. Ме замоли да престанам со тоа, па го послушав. Сега се обидувам да бидам коректна додека се караме и избегнувам ниски удари“, вели Пинк.