Објавени фотографиите на малолетната проститутка на Рибери

Захија е името на 18-годишната мароканска проститутка, која како малолетничка им давала сексуални услуги на француските репрезентативци. Откако ја уапсиле, малолетничката признала дека меѓу нејзините муштерии од високото париско друштво се наоѓале и Карим Бензема (22), Франк Рибери (27) и Сидни Гову (31).

„Виновен сум“, призна Рибери, додавајќи дека не знаел дека тогаш девојката била малолетна. Отако полицијата ги испитала Рибери и Гову, наводно, на разговор бил повикан и Бензема.

До фотографиите од проститутката дојде „Ле фигаро“ преку нејзиниот профил на „Фејсбук“. Таа и' признала на полицијата дека се проституира од 2008 година, кога имала 16 години. Од секој муштерија заработувала меѓу 1.000 и 2.000 евра, а нејзиниот месечен приход изнесувал 20.000 евра. Поради секс со малолетничка, на фудбалерите им се заканува затворска казна од три години и парична од 45.000 евра.

МанЧестер Ј. единствен со

вредност поголема од милиЈарда долари



Американскиот магазин „Форбс“ го спроведе најновото истражување кое се покажа како идентично на претходното. Пред осум месеци „Форбс“ ги истражуваше највредните спортски колективи во светот, а и тогаш Манчестер јунајтед беше прв со процена од 1,5 милијарди евра. Го следеа две НФЛ екипи - Далас Каубојс (1,32 милијарди) и Вашингтон Редскинс (1,23 милијарди).

Во фудбалското семејство се останато е исто, бидејќи Реал М. е пак зад Манчестер, па потоа следат Арсенал, Барселона и Баерн. Новите истражувања велат дека Манчестер Ј. вреди 1,8 милијарди долари, што е пад за два отсто во однос на минатата година. Реал М. вреди 855 милиони (исто така пад за два отсто), Арсенал 764, Барселона 647, Баерн 640, Ливерпул 532, Милан 517, Јувентус 424 милиони, Челзи 418 и Интер 267 милиони долари.



Маикон опериран, Меси му скрши два заба



Лео Меси невнимателно стартуваше во воздушниот дуел со Маикон, а Бразилецот мораше да го изнесат од теренот пред крајот на првото полуфинале меѓу Интер и Барселона на „Џузепе Меаца“.

Маикон бил подложен на оперативен зафат, а последицата е губење на два заба. Иако, операцијата била рутинска, од Интер не потврдија дали ќе биде подготвен за реваншот на „Ноу камп“ наредната недела.



Мурињо: Балотели Ќе игра



Жозе Мури��о е подготвен веднаш да му даде шанса на Марио Балотели и покрај инцидентот со публиката и Марко Матераци по завршување на полуфиналето од Лигата на шампиони со Барселона.

„Газета дело Спорт“ објави дека Балотели веќе побарал од управата да го стави на трансфер листа, а претседателот на клубот смета дека има шанси работите да се смират: „Ќе биде тешко, ама не е невозможно. Балотели изврши јавно самоубиство, но не планирам да го продадам“, изјави Морати.

Жозе Мурињо, пак, планира да го прати на терен веќе утре против Аталанта. „Веднаш ќе кажам - против Аталанта играме важен меч и Балотели ќе игра“, најави Португалецот додавајќи: „Се надевам дека публиката ќе му дозволи да покаже дека сфатил дека погрешил. Тажен сум поради сето ова што се случува, иако и јас го критикував поради поинаквиот пристап“.