Рајан Гигс
Мито за братот да молчи за аферите
Ѕвездата на „Манчестер јунајтед“, Рајан Гигс, западна во жижата на јавноста откако се откри дека имал врска со сопругата на својот брат Родри, Наташа, а сега се плаши дека и другите негови афери ќе излезат во јавност, па на братот му понудил дури 270.000 евра за да не зборува со медиумите.
„Последната работа што ја посакува Рајан е да се откријат другит�� негови афери. Родри сигурно знае многу нешто ако во животот на неговиот брат постоеле уште други жени“ - кажал извор близок до Родри, кој, веројатно, се согласил на договор со фудбалерот дека ќе молчи.
Рајан Гигс по откривањето на аферата во јавноста, и' пратил порака на жената на својот брат: „Не можам да верувам дека се случи ова “. Во меѓувреме е откриено дека Наташа Гигс била во љубовни врски со уште тројца фудбалери на „Манчестер јунајтед“. Сопругата на Рајан Гигс, Стејси, и покрај се', останала покрај својот сопруг зашто и' ветил дека ќе оди на лечење од сексуална зависност.
„Рајан е болен и потребна му е мојата помош. Се' додека работи на она што го вети, нашиот брак ќе опстане. Никогаш не ја сакал Имоџен, а Наташа е лажливка. Нашето семејство ќе преживее“ - рекла Стејси, која на Рајан му родила две деца. |
