|
|
|
|
|
|
|
За утре одложен судскиот процес за „Пајажина“
13.06.2011, 17:24
По четиричасовна расправа денеска повторно беше одложен судскиот процес против обвинетите во случајот „Пајажина“.
Во големата сала на Врховниот суд и денеска не беше прочитан обвинителниот акт против Велија Рамковски и против уште 22 лица од случајот „Пајажина“ кои се обвинети за перење пари, даночно затајување, злосторничко здружување и злоу��отреба на службената положба. Една од обвинетите поради тешка здравствена состојба не беше донесена во судницата поради што по предлог на јавниот обвинител Гордана Гешковска, Судот реши постапката против неа да се води одвоено од другите обвинети.
Судот го прифати и предлогот на синот на Велија Рамковски, Хеди и на уште тројца обвинети кои се во бегство да им се суди во отсуство.
На денешното рочиште кое траеше околу четири часа казна од илјада евра доби адвокатот на Велија Рамковски, Мирослав Вујиќ поради нарушување на редот во судницата, а по наредба на Судскиот совет беше отстранет од судницата.
- Се обидоа да ме изнесат затоа што едноставно сакав да завршам тоа што почнав да го кажувам и ако не сака некој да го нотира во записник ќе дојде и таква ситуација, изјави Вујиќ по изрекувањето на казната.
Судскиот процес против Велија Рамковски и останатите 22 обвинети во случајот „Пајажина“ продолжува утре, кога се очекува обвинителката Гордана Гешковска да го прочита обвинението со што ќе стартува судскиот процес
|
#
|
|
|
Статијата е прочитана 665 пати.
|
|
|
|
|
|
|
| Од: Ljubotan-Trade Name |
| Датум: 14.06.2011 00:11:31 |
|
| @ Devicanec! Eve,sto ni ispripoveda. ,,Малку му е на Виуќ. Тој е партиски адвокат, не е независен и неутрален, а многу, многу далеку од правичен". Jas mislam, za se sto go okrivi Advokatot Vuic. Advokatot zakonski moze, da bide se ona za sto Ti go okrivuvas.Advokat e moralno i konfidentno odgovoren, samo pred licnosta sto ja brani,i da koristi i najmali greski i slabosti na pravniot i obvinitelniot proces,ako se vo polza na obvinetiot.Eee, tuka e celata advokatska mudrolija .Losite advokati Gubat isti sudski proces a, dobrite advokati go dobivaat |
|
|
|
|
|
|
|
|
