ТЕТОВО - Меморандум за вработување на 15 најдобри студенти на Државниот универзитет во Тетово вчера потпишаа вицепремиерот Абдулаќим Адеми и ректорот, доц. д-р Агрон Река. Основен услов е успехот на студиите. Овој прием е во рамки на веќе распишаниот конкурс на Владата за 400 припадници на албанската етничка заедница како обврска од Рамковниот договор. Меморандумот за Адеми значи деполитизација на приемната политика и новите вработувања во јавната администрација. Петнаесетте најдобри студенти ќе бидат распоредени во Секретаријатот за спроведување на Рамковниот договор. Адеми е уверен дека и покрај ребалансот на Буџетот ќе нема редукции во вработувањето. (Г.Е.)