Бојко Борисов прифати да биде иден премиер
Бојко Борисов не сака да им отстапи министерски места на другите десничарски партии
СОФИЈА - Бојко Борисов, чија централнодесничарска партија ГЕРБ победи на изборите што се одржаа на 5 јули, вчера се согласи да биде следниот премиер на Бугарија, ветувајќи дека ќе стави крај на климата на поседување имунитет и спречување пролонгирана рецесија. Претседателот Георги Прванов му го додели на Борисов, 50-годишниот градоначалник на Софија и поранешен телохранител, мандатот да формира нова влада во следните седум дена. ГЕРБ освои 40 отсто од гласовите, но му фалеа само пет места за да обезбеди мнозинство во 240-члениот парламент.
Борисов потврди дека неговата партија има цел да формира мнозинска влада со поддршка на други десничарски партии, но без да отстапува министерски места. „Ние ќе формираме наша влада“, изјави Борисов пред новинарите откако го доби мандатот. „Ќе формираме кабинет кој ќе ја води Бугарија надвор од кризата“. Борисов веќе доби овации за плановите во неговиот кабинет да донесе економисти и реформисти образовани на Запад. Симеон Џанков, економист од Светска банка, најверојатно, ќе биде министер за финансии. Меѓутоа, набљудувачите посочуваат дека малцинската влада би можела да го зголеми ризикот од нестабилност и да ја отежне агендата на ГЕРБ за радикални реформи за враќање на владеењето на правото и сопирање на одолжувањето на рецесијата.
Групацијата од десничарски партии позната како „Сина коалиција“, екстремно десничарската партија Атак и популистичката десноориентирана Поредок, закон и правда во средата соопштија дека ќе ја поддржат владата на ГЕРБ дури и ако не им биде дадено министерски место. ГЕРБ им понуди на трите групации меморандум за политичка соработка, чии главни приоритети ќе бидат враќање на доверб��та на ЕУ, казнување на корумпираните официјални лица и преземање актикризни мерки. Најсиромашната држава во ЕУ стана црна овца во Унијата откако Брисел минатата година и го прекина пристапот до околу половина милијарда евра во помош поради измама. (Ројтерс) |
