Хрватите во БиХ бараат Херцег-Босна
Сараево- Премиерите на владите на три кантони со хрватско мнозинство во Федерацијата на Босна и Херцеговина најавија основање меѓукантонски совет како одговор на како што се вели, дискриминаторскиот однос на Владата на Федерацијата на БиХ кон тие простори како и поради политичката и економска криза.
Премиерите на Херцеговско-неретванскиот, Западно-херцеговскиот и Ливањскиот кантон истакнаа дека мотив за основање меѓукантонален совет е заеднички настап на тие три кантони кон ентитетската Влада за да се третира тој дел од БиХ рамноправно.
Босанските медиуми го најавија поврзувањето на трите кантони како обид за оживување на самопрогласената парадржавна творба Херцег-Босна. (МИА) | 
