Шкендија го елиминира Пелистер во Купот
Работнички, Милано и Шкендија и' се придружија на Македонија Ѓорче Петров во полуфиналето во фудбалскиот куп на Македонија по вчерашните реванш четвртфинални дуели.
Шкендија успеа да го елиминира Пелистер и покрај поразот од 3:1 во првиот меч. Во возвратниот натпревар тетовци славеа со 3:0 со головите на Бекири, Хасани и Нухији.
Работнички, на Градски, ја совлада Ренова со 1:0 со погодокот на Перендија во 60 минута. На „Милано арена“ во Куманово, Милано го совлада Силекс со 2:1 (Кукај во 7 минута и Исуфи во 83 погодија за кумановци /Нацев во 10 минута стрелаше за Силекс). Претходно составот на Македонија Ѓ.П. го совлада второлигашот Миравци со 3:0.
Ждрепката за полуфиналето е на 25 декември во хотелот „Александар Палас“. Првите мечеви се закажани за 8 април 2009, а реваншите за 6 мај. (С.Д.) |
