Кристина Агилера и Ријана

Британците ги тужат поп-принцезите зашто се пресекси

Кристина Агилера и Ријана од неодамна се под истрага. Во Велика Британија е поведен процес, кој би требало да утврди дали нивните настапи во популарната емисија „Икс фактор“ биле премногу сексапилни за многубројната „семејна публика“, која ја следи таа програма.

Пејачките настапиле со финалистите во емисијата „Икс фактор“. По дуетите, двете ги извеле своите најголеми хитови. ��о, нивната „претерана разголеност“, како што стои во образложението по повод спроведувањето на истрагата, ги оставила гледачите во чудно расположение. Медиумите во Велика Британија добиле речиси 3.000 жалби зашто било дозволено емисијата да се емитува пред девет часот навечер кога голем број деца ја следи телевизиската програма. По притисокот на јавноста, Британците биле принудени да ја поведат споменатата истрага за спорните настапи.

Ријан по повод споменатиот настан се' уште не се огласила, а Кристина, за разлика од неа, се обидела да се одбрани:

„Не мислам дека постои нешто што е премногу кога станува збор за уметноста. Многу е охрабрувачки за жените кога се чувствуваат самоуверено во својата кожа“ - рекла Агилера.