Атина - „’Дојче телеком‘ не планира повторно да преговара за спогодбата со грчката телекомуникациска компанија ОТЕ, изјави Гвидо Керкхоф, претставник на германскиот гигант за Југоисточна Европа, пренесува грчкиот весник „Вима“. „Договорот за ОТЕ уште долго време ќе остане таков“, изјави Керкхоф.

Тој не ја исклучува можноста за намалување на персоналниот состав на компанијата за 2.000 лица, додека во врска со мрежата од оптички кабли, изјави дека е нужно взаемно дејствување со грчката држава за определување на законската рамка.

„Дојче телеком“ има над 30 отсто учество во грчката телекомуникациска компанија ОТЕ. Делумното учество на германската компанија се зголеми откако неодамна владата во Атина и' продаде уште пет проценти од телекомуникацискиот оператор ОТЕ, за 674 милиони евра. (МИА)