Миранда Кер и Орландо Блум

Прва фотографија од синчето Флин

Австралиската манекенка Миранда Кер и нејзиниот сопруг, британскиот актер Орландо Блум, првпат објавија фотографија од нивното првороденче, синчето Флин. Држејќи го во прегратка и на гради, без ронка шминка на лицето, Кер некогаш не изгледала посреќно. Двојката ја објави фотографијата што ја направи таткото Блум на својот блог на кој напишаа дека Флин е здраво и големо момченце.

„Се породив природно без никакви лекови против болка. Тоа беше долго и тешко породување, но Орландо постојано беше покрај мене и ме поддржуваше. Немаше да успеам без него“, напиша Миранда на блогот. Таа додаде дека се многу среќни и дека уживаат во заеднички поминатото време. „Флин е нашето сонценце“, заклучи 27-годишната мајка, која се породи на 6 јануари во болница во Лос Анџелос. Двојката почна да се забавува во 2007 година, а се венчаше на тајна церемонија во јули 2010 година.