Санчез го носи Наумоски во Алмерија
Македонскиот репрезентативец Илчо Наумовски кариерата ќе ја продолжи во првата шпанска лига, поточно во Алмерија. Тоа го објавија неколку шпански медиуми, откако Наумовски потврди дека ја одбил понудата на Хартс, која, како што вели тој, била смешна.
Наумовски пред некое време фигурираше и како засилување за Хајдук, меѓутоа на крајот трансферот пропадна, а во медиумите се прошири приказна дека сплиќаните од него се откажале бидејќи се изјаснил како жесток фан на Партизан. Таа бенингна информација, секако не му сметаше на легендарниот Хуго Санчез, тренерот на Алмерија, кој во напаѓачот на македонската репрезентација гледа добро засилување за својот тим, кој патем речено, минатата сезона играше одлично и заврши на солидното 11. место.
Да потсетиме, Наумовски два пати беше прогласуван за најдобар напаѓач на Австрија, а во дресот на Матерсбург одигра 119 меча и притоа заби 51 гол. Инаку, по италијанската Катанија, на Илчо ова ќе му биде втор тим за кој игра од најсилните лиги т.н „Лига пет“.
|
