25.09.2012, 09:11 Иванов барал Обама да не не заборави
Шефот на дипломатијата инсистирал во Генералното собрание дека хашките одлуки треба да важат за сите земји членки
Њујорк - Македонскиот претседател Ѓорге Иванов во Њујорк имаше средба со Барак Обама, за време на приемот што американскиот лидер го организираше за шефовите на делегации кои присуствуваат на Генералното собрание на ОН.На средбата, која веројатно била од нога, Иванов побарал од Обама да продолжи со поддршката што САД и ја даваат на Македонија за добивање на покана за членство во НАТО.
Обама рекол дека САД даваат силна поддршка за интеграцијата на Македонија во НАТО и изразил благодарност за придонесот што нашата земја го дава во воените мисии, како таа во Авганистан. Тој го охрабрил дијалогот меѓу Македонија и Грција за надминување на спорот за името, во надеж дека ќе се дојде до решение, со забелешка дека знае дека е потребно да се работи за реализирање на македонскиот влез во НАТО. Претседателот, пред приемот, одржа две предавања на универзитетот Харвард во Бостон, на кој ги претстави македонските интеграции и модел на инклузивност во општеството. негова главна порака притоа била дека во глобализираниот свет веќе не постојат етнички хомогени држави, па етничката демократија се соочува со предизвици, како што се етнизацијата на цивилното општество, на политичкиот спектрум и на институциите.
- Во таков контекст, она кон што тежнее Македонија е да се обезбеди почитување на човековите права и на механизмите за нивна заштита. Инклузивните модели нудат решенија, додека ексклузивните модели на поделби по етничка основа се неизбежен извор на конфликти, тензии и дестабилизација, изјави Иванов. При посетата претседателот подари 130 тома на македонска книжевност на универзитетската библиотека.
Активности имаше и шефот на дипломатијата Никола Попоски, кој во настапот пред Генералното собрание побара почитување на одлуките на Меѓународниот суд на правдата од страна на сите земји членки и зајакнување на неговата улога.Наедно тој ги поддржа напорите на генералниот секретар на ОН за зголемување на бројот на земји кои ја прифаќаат задолжителната надлежност на Меѓународниот суд на правдата. Во рамките на билатералните средби, Попоски разговараше со министерот на Кувајт, Ал Саба, околу поволностите за отворање бизнис во Македонија, вклучувајќи го и барањето да се организираат посети на бизнис делегации од двете земји.Тој се сретна и со својот колегата од Јужен Судан, што е прва средба на високи државни претставници на двете земји, при што е разговарано за продлабочување на билатералната соработка со оваа најнова земја членка на О��.
|
