19.12.2012, 16:42 Македонија официјално на 81. место
Фудбалската репрезентација на Македонија и официјално се најде 81. место на ФИФА-листата во последното рангирање за 2012 година. Црвено-жолтите, и покрај поразот на пријателскиот меч со Полска, направија скок од две места, факт што и не треба да не' радува премногу, бидејќи токму по овој дуел испуштивме шанса да се најдеме на 75. место. Слабата игра против Полјаците во Анталија, сепак, се одрази негативно во однос на крајниот пласман за оваа година.
Македонија го пречека стартот на 2012 година на 104. позиција, во изминатиот период успеа да напредува 22 места на ФИФА-листата каде што врвот се' уште го држат водечката Шпанија, по што следуваат селекциите на Германија, Аргентина, Италија, Колумбија, Англија, Португалија, Холандија, Русија и на Хрватска. (М.К.) |
