Пораз на Металург од Подравка

Женската екипа на Металург сосема очекувано беше убедливо поразена на гостувањето кај силниот состав на Подравка со 32:21.

Домаќинот ја покажа својата доминација уште на стартот на мечот откако прво поведе со 3:0, а на истекот на првото полувреме имаше позитива 17:11 што беше недостижна за Металург, кој во текот на целиот натпревар не успеа да реализира ниту еден од трите удари од седум метри.

Во продолжение не промени буквално ништо, Подравка го полнеше голот на македонскиот шампион и, на крајот, дојде до убедлив триумф од плус 11.

Мирета Бајрамовска со осум гола беше прво име кај Металург. Кај домаќинот Дамјановиќ со седум гола беше главен лидер во убедливата партија.