26.12.2012, 16:06 Од два стана украден златен накит
Од две извршени кражби провалниците извлекле плен кој се цени на повеќе од 1,5 милиони денари. Првата кражба се случила во стан на улицата „Жан Жорес“, од каде што бил одземен сеф во којшто имало околу 10.000 евра, златен накит и рачни часовници, 250.000 денари и други вредни предмети. Штета од оваа кражба се проценува на 950.000 денари или околу 16.000 евра.
Втората кражба била извршена во стан на улицата „Петар Поп Арсов“. Непознат сторител со употреба на погоден предмет влегол во станот од каде што заминал носејќи со себе куферче во кое имало 5.000 евра, златен накит и бисери. Штетата од оваа кражба е проценета на 600.000 денари. (Љ.С.) |
