Шарлот го претрпе 16.пораз по ред

Шампионот Мајами синоќа и го нанесе 16.пораз на екипата на Шарлот и ја „закова“ на дното во Источната конференција

Екипата на Шарлот го доживеа и 16. пораз по ред, откако ноќеска загуби од шампионот Мајами. Шарлот по стартниот скор од 7-5 (победи-порази) сега имаа серија порази, што ги „закова“ на дното во Источната конференција.

Најефикасен на натпреварот беше Двејн Вејд со 29 поени, додека неговиот клупски колега од Мајами, Леброн Џејмс имаше 27 поени, 12 скока и 8 асистенции.

Резултати на натпреварите одиграни ноќеска: Вашингтон - Кливленд 84:87, Шарлот - Мајами 92:105, Орландо - Њу Орлеанс 94:97, Атланта - Детроит 126:119 (две продолженија), Милвоки - Бруклин 108:93, Мемфис - Филаделфија 89:99, Минесота - Хјустон 84:87 Сан Антонио - Торонто 100:80, Денвер - Лос Анџелес Лејкерс 126:114, Јута - Голден Стејт 83:94, Феникс - Њујорк 97:99 и Портланд - Сакраменто 109:91.

Натпреварот Индијана - Чикаго е одложен, поради лошите временски услови. Термин за одигрување дополнително ќе биде закажан.

Вечерва се играат два натпревара: Оклахома Сити - Далас и Лос Анџелес Клиперс - Бостон.

Пласман Источна конференција: Мајами 20-6 (победи-порази), Њујорк 21-8, Атланта 17-9, Индијана 16-12, Милвоки 15-12, Чикаго 15-12,...

Пласман Западна конференција: Лос Анџелес Клиперс 22-6, Оклахома Сити 21-6, Сан Антонио 22-8, Мемфис 18-8, Голден Стејт 19-10,...