(ВИДЕО) Новинарите го исвиркаа Трајко Вељаноски

Куриозитет на седницата за пратенички прашања: премиерот Груевски го чекаше 30 минути спикерот Вељаноски

Револтирани од постапката на претседателот на Собранието од понеделникот кога со сила ги избрка новинарите, претставниците на медиумите вчера го исвиркаа Трајко Вељаноски и со извици „Уа!!!“ демонстративно ја напуштија галеријата во моментот кога тој ја отвораше седницата за пратенички прашања. Новинарите прво станаа, стоеја одредено врме и потоа грмнаа нивните силни извици на незадоволство поради кршењето на правата за слободно известување. Галеријата беше преполна (повеќе од 50 новинари), немаше место ни за стоење.

Претседателот на Собранието не реагираше на ваквите извици на големо незадоволство на новинарите, туку почна да го чита дневниот ред .

Седницата е куриозитетна и по една друга работа. Нејзиниот почеток доцнеше еден час. Премиерот Никола Груевски, по обичај, задоцни 30 минути, но остана во клупите каде што седат министрите и сите чекаа уште 30 минути за да дојде спикерот Трајко Вељаноски. Тој пристигна некаде околу 12 часот.

Во меѓувреме, во паркот спорти Собранието пратениците на СДСМ држеа своја седница за пратенички прашања под отворено небо. (П.Р.)