Деветнаесет загинати во бомбашки напад во Пакистан

Два автобуса со шиитски верници беа уништени од експлозии во округот Мастунг во југозападната пакистанска провинција Белуџистан. Убиени се најмалку 19 луѓе и 25 се ранети.

Двата автобуса се целосно уништени, и можно е бројот на жртви да биде повисок.

Според полициски извори, експлозивна направа најверојатно била поставена на моторот и активирана со далечински управувач.

Автобусите се враќале со верниците од соседен Иран каде шиитите се мнозинство и каде се наоѓаат голем свети места на шиитите. Меѓу повредените се и двајца полицајци и дел од обезбедувањето на автобусите.