Во политиката имавме сцени слични на „К-15“ и „Монти пајтон“

Пистелот Александар Прокопиев вели дека годината што изминува беше полна со настани и амплитуди од највисоко до најниско

„2012 година беше година полна со настани и амплитуди од највисоко до најниско.
Во областа на личното творештво, освен преводите кои се тековни би кажал дека учествував во правење анимиран филм, кој се промовираше во Њујорк. Станува збор за многу интересен филм чии автори се млади луѓе, полни со идеи и нивната тимска работа, дружење и соработка, ме вратија во некои времиња кои многу си ги сакав.
Што се однесува до политичката ситуација, мислам дека не сум само јас на ова мислење, но од сите сфери на јавниот, културниот живот и општествен живот, политиката ни е најслаба т��чка. Не успеа да се формира група политичари кои навистина се зналци на својот занает и во кои, на крајот на краиштата, ќе веруваме и ќе гласаме. Значи, во политиката се случија неколку настани што личат на сцени од ’К-15‘ до ’Монти пајтон‘ и тоа се ситуации кои се смешки, но не се политички ситуации. Некои од моите пријатели велат: ’Добро Сашо, тоа се случува низ целиот свет‘. Меѓутоа, ова сега се случува овде кај нас. Засегнати сме со тоа, засегнати сме со нашите секојдневни животи кои течат на некоја база на преживување“ - Александар Прокопиев, писател.